@jonkepa, Author at - Orrialdea 3 6-(e)tik

2012/07/06

DBZ: espazioaren karakterizazioa

Mondragon Unibertsitateko Diseinu Berrikuntza Zentroak (DBZ), oraingoan azpiegituretan aplikatu du berrikuntza. Espazioaren karakterizazioa garatzeko deitu ziguten. Lana diseinu zentro batek eskatu izanak, are bereziago egin zuen zeregina. Unibertsitatekoekin hainbat arlo eta lan egiteko dinamikak aztertu ostean, proposamen honekin ausartu ginen: seinalizazio tipografikoetatik urrundu eta zentzumenetara jo, ikuslea (ikaslea kasu honetan) geletan bertan gertatzen eta sortzen denarekin erlazionatzeko. Zorionak DBZkoei berritze lanengatik eta gora ausardia! ...

2012/06/21

in Zu, gu eta beste didari batzuk

by @jonkepa

2d1, maleta bete sormen

Arteari ateak irekiko dizkio di-dak ekainaren 29an, lokalaren paretetan bertan. Peru Magdalena lagunagaz batera proiektu artistiko berria erakutsiko dugu: 2d1. Bi eta bat. Bitik bat. Bide bat. Pintura erakusketa izango da, baina baita gehiago ere. Inaugurazio egunean, Mikel Garaizabal enologo jaunak Mendrakako txakolin beltz esklusiboa ekarriko digu dastatzeko. Bidean, ez harritu gitarraren bat topatuz gero. Jatekoa eta edatekoa ez dira faltako. Bat-bateko ezustekoak ere ager daitezke edozein bihurgunetan, eta gainera, poesia, maitasuna, ametsak, argia… Diseinua, komunikazioa eta artea diziplina desberdinak badira ere, bidelagun ere badirela uste dugu. Di-daren egunerokoan sarri uztartzen ditugunez, horra hor sormenaren bidaia berezi batetik ekarritako erakusketa bitxi hau. Maleta bete sormen. Irailera arte egongo da zabalik etortzera ausartzen denarentzat (ez ahaztu udako ordutegia daukagula). ...

2012/06/13

in Euskara, Hizkuntzak eta Kulturak

by @jonkepa

Labana mingain

Ez Dok Hiru Bikoteatroa konpainiaren azken lana da Jokin Oregik zuzendutako 'Lingua Nabajorum, Euskararen historia zoroa'. Patxo Telleria eta Mikel Martinez aktoreak lantaldeko kideekin eta antzezlaneko pertsonaia guztiak soinean zituztela etorri zitzaizkigun duela hilabete pasatxo di-dara, bateko ardi-larru, besteko jantzi erromatar eta kaiku hurrengo. Goiz osoa eman genuen argazkiak egiten Abadiñoko gure egoitzako estudioan, labana eta irribarrea ahoan, bi aktoreek obra entseatzeko aprobetxatu baitzuten aukera. Ikuskizunaren afitxa egitea zen gure lana, eta hauxe da emaitza. "> Gaur bertan estreinatuko dute antzezlana, Bilboko Kafe Antzokian, eta hari buruzko azalpenak emateko Mikeli eta Patxori emango diegu hitza, EITBKulturakoek egindako bideo honetan. ...

2012/06/07

in Formakuntza eta Tokiko enpresagintza, Generoa eta Parekidetasuna

by @jonkepa

Virginia Woolf: nork bere marka

by Gotzon Garaizabal @GotzGP & Ekaitz Goienetxea @egoienetxea Virginia Woolf idazle britaniarraren izena aukeratu zuten, eskola berezi bati ipintzeko. EUDELen enkarguz, logotipoa egin behar genuen guk. Ekin ba. Eskola zertarako da? “Gogoetarako gune bat, politikan emakume izateari buruzkoa”. Irakasle batek gidatuko dituen gogoeta taldeak, emakumeek politikan topatu ahal dituzten oztopo, abantaila, antzeko arazoei buruz askatasun osoz hitz egiteko. Jabekuntza lantzeko eta harreman sareak sortzeko, baita ideologia desberdinekoak direnen artean ere. Ados. Hiru proposamen egin eta goiko hori hautatu zuten. Erantzuna: “Gustatzen zaigu, baina, beste logo batzuen antza du, ezta?”. Seguru baietz: Volkswagen, Wii, xake taulako erregina? Normala da, ikusmenak lan asoziatibo hori egiten du. Grafismoan askotan gertatzen da ikur bi antzekoak izatea, eta zenbat eta gehiago aztertu, orduan eta antzeko marka gehiago aurkituko ditugu, munduan milioika logo baitaude. Hainbat saiakera egin genituen logoa ustezko antzekotasun horietatik aldentzeko. Frogatzeko balio izan zigun, hasierako proposamena ez zegoela hain urrun bila ari ginenetik. Eskatu ez ziguten arren, kreatiboei okurritu...