5-urrats-diseinu-arrakastatsu
2015/03/18
in Zu, gu eta beste didari batzuk
by @didabrand

5 urrats diseinu arrakastatsuak lortzeko

(Laburpen honen jatorrizko artikulua inglesez hemen). 1. Jakin nork agintzen duen Enpresan edo erakundean erabaki nagusiak nork harten dituen jakin, gehienentan haiek izango baitira markaren ikuspegia eta izaera ondoen ulertzen dutenak. Ezaugarri bereizgarrien gakoak hasieratik ezagututa, diseinu prozesu osorako norabidea eta estrategia izango dituzu. 2. Zaindu detaileak Ez moztu. Hartu denbora zehaztasunak begiratzeko. Kontuz tipografiari dagozkion oinarrizko kontuekin, adibidez: mota ezberdinak parekatzea, leadinga, kerninga, trackinga eta lerroartekoak. Ziurtatu ezazu erabilitako baliabide guztiak erregistratu dituzula, lege-kontuekin ustekaberik ez izateko. Hurbildu zaitez ahalik eta gehien, bektore-lanetan akats txikiak aurkitu eta zuzentzeko. Erabili kuadrikulak eta kalkulatu elementuen arteko marjinak eta distantziak. Egiaztatu ortografia eta gramatika, eta ohitu zaitez emailak bidali aurretik berrirakurtzera. 3. Jabetu ikuspegiaz Markaren eta proiektuaren ikuspegiaz jakitun zarenean, askoz hobeto kokatuta zaude lan on bat sortzeko. Bisitatu bezeroaren egoitza, hitz egin beraiekin, ikusi haien bideoak, ezagutu euren historia eta jaso lehiakideen berri. Barneratu zaitez euren munduan eta deskubritu zer pasiok mugitzen dituen. 4. Izan bakarra, izan ederra (YOUnique /...

Continue Reading
Banner_FAB_interior-web
2014/03/11
in Euskara, Hizkuntzak eta Kulturak, Zu, gu eta beste didari batzuk
by @didabrand

Avignongo Foroa: kultura eta hiri-marka

Bilboko Alhondigan izan gara  martxoaren 6an eta 7an, Avignongo Foroak bertan antolaturiko 'Hiria kultur ekosistema gisa' jardunaldietan. Arduradun politikoen aurkezpenetik bertatik ezarrita geratu zen Avignongo Foroaren pentsamendu esparru nagusia: kulturak hiri baten markan zein turismo mailako erakargarritasunean izan dezakeen garrantzia, eta horrek hiri osoari ekarri diezaiokeen irabazi ekonomikoa. Bilbo eta Guggenheim binomioarena ez ezik, beste hainbat adibide ere ezagutu genituen Alondegian: Nantes eta Doha, berbarako. Urteotan zehar eta oraintxe bertan esku artean ditugun hainbat lanegaz loturiko gaia den aldetik, ondoko bost gogoetak interesatu zitzaizkigun: Katrín Jakobsdóttir Islandiako Hezkuntza, Zientzia eta Kultura ministro ohiak 2008ko finantza krisia eta gero kulturak jokatu zuen papera azaldu zigun, "herritarrek bizimodu kultural ez hain materialista eta parte-hartzaileagoa" eskatzen zutela-eta. Gobernuak austeritate programa martxan ipini arren, horrek ez zion eragin kultur politikari, eta artistek rol garrantzitsua jokatu zuten balio kulturalak azpimarratzeko orduan. Kulturak Islandia osoa aldatu ei du geroztik, diru-iturri baino gehiago bizkar-hezur bihurtuz. Gail Lord Kanadako Lord Cultural Resourceseko...

Continue Reading
euskararen-marka
2014/02/06
in Euskara, Hizkuntzak eta Kulturak, Zu, gu eta beste didari batzuk
by @didabrand

Euskararen marka

Didariok markagintza dugu eguneroko jardun eta euskara laneko hizkuntza nagusi. Sarritan izan dugu berbagai, ondorioz, ingelesak alor honetan duen nagusitasuna. Eta ezagun zaizkigu, zelan ez, Estitxu Garaik 31 eskutik blogean agerturiko kezka eta zalantzak. di-da sortzez da euskalgintzari loturiko komunikazio eta publizitate agentzia, eta gure egitekotzat dugu gure alorrean euskara normaltasunez erabiltzea. Ahoz gabiltzanean, ezin ukatu, ingelesezko berba asko esaten dugu guk ere; ahoan inoiz erabili dituenak ondo dakien moduan, zapore cooltua daukate-eta jingle moduko hitzek. Baina idatziz gabiltzanerako euskarazko ordainak hartu, egokitu edo sortu ditugu gure lan metodologian. Markagintzan bezeroaren ikuspegia eta haien gogoetan bereizten gaituzten balioak zaintzea ezinbestekoa izanik, ezin genuen hizkuntzak horretan duen zeresana ahaztu. Lezioren bat ere jaso dugu inoiz, gainera, bezeroren batek ‘txantiloi’ bat eskatuz deitzean, adibidez, geuri halakorik ahoskatzeak lotsa apur bat eman arren. Alde horretatik, baina, esan behar dugu kalean eta ahoz maiz erabiltzen diren kontzeptuen kasuan maileguak erabiltzeari ondo deritzogula: plantilla, merchandinsing edo display...

Continue Reading
2014/01/30
in Aisialdia eta hezkuntza
by @didabrand

Komunikazioa ardatz hartuta, Ibaizabal ikastetxean

Erronka polita izan dute oraingoan Ibaizabal Ikastolako Haur Hezkuntzako goi mailako zikloko ikasleek: otsailean zehar Plateruenan egingo dituzten bost antzerkiak iragartzeko kartelak eta eskuorriak sortu behar izan dituzte. Askorentzat arlo hau guztiz ezezaguna denez, di-dari eskatu diote laguntza. Horrela, Nagore Txintxurretak saio berezi bat prestatu zuen komunikazio prozesuaz hitz egin eta diseinuaz zenbait gomendio emateko. Komunikazioa prozesu oso eta kohesionatu bat dela azpimarratu genuen. Hartzailearen garrantzia azpimarratu genuen, eta, ondorioz, hartzaileak eta sortzen dugun mezuak bat egin behar dutela ikusarazi genien, eta komunikazioan eragina duten elementuez jardun ginen ondoren: tipografia motak, koloreen harmoniak, euskarrien formatua eta estiloa, besteak beste. Mezua ulergarria eta eraginkorra izan dadin, euskarri guztiek koherentziari eutsi behar diotela azaldu genien, eta zenbait kanpainatako adibideak ikusi genituen. Kartelgintzari dagokionez, hainbat estilotako ereduak ikusi genituen: argazkiak, ilustrazioak, collageak eta abar erabiliz egindako kartelak. Teknika edozein izanda ere, sinpleagoa zein konplexuagoa izan, ideia on bat izatea da gakoa. Diseinuari dagokionez, beraien lanean lagungarri izango...

Continue Reading
Anbotopean lanean
2014/01/15
in Zu, gu eta beste didari batzuk
by @didabrand

SUTIK, suan sustraitutako sorkuntza

Sorkuntzaren inguruan lanean, gure ondoan dabiltzan 2d1eko Gotzon Garaizabal eta Peru Magdalenak proiektu artistiko berria kaleratu dute, eta jakina, zuokin partekatu nahiko genuke. Sustraietara itzuli guran, Sutik sortu dute, suan sustraitutako sorkuntza proiektua. Anbotoren magaletan gauzatua, gizalagun eta espiritu libreekin kolaborazioan, eta munduko brasa onena izendatutako Etxebarri jatetxearekin elkarlanean, birjaiotze estetiko bat bidaiatu dute gure ondoko artistek. http://www.2d1.eu webgunean sartzen bazara, artelanez gain (margolanak, eskulturak, argazkiak, poesia…), bertan duzu ikusgai prozesua bera islatzen duen bideo-sorkuntza ere, azaroaren 28ko aurkezpeneko irudiak barne. Gustatuko zaizulakoan....

Continue Reading

Cookien erabilera

Webgune honek cookieak erabiltzen ditu nabigazioa errazteko eta hobetzeko. Nabigatzen jarraitzen baduzu, cookieen erabilera onartzen duzula ulertuko da.

ACEPTAR